E ssentevo quanno ero figliola, 'o cchiammavano ammore
chellu fuoco ca te nasce mpietto e ca maje se ne more
'e ccumpagne parlavano zitto 'e na cosa scurnosa
ca na femmena 'a fa sulamente 'o mumento ca sposa
e pure si sposa nun songo stata maje
saccio comme volle 'o sanghe e ' o core sbatte forte assaje
quanno 'a voce d' 'a passione chiamma a te
quanno zitto int' 'a recchia tu te siente 'e murmulia'
nun te scurdà nun te scurdà
nun te scurdà pecchè sta vita se ne va
nun te scurdà, maje 'e te
nun te scurdà nun te scurdà
nun te scurdà pecchè si no che campe a fà
e tanto 'e ll'ammore ca 'a sciorta m'a miso int' 'e mmane
ca 'o vvengo e 'a ggente pe' chesto me chiamma puttana
nun'aggio maje saputo stà carcerata int' 'a casa
e n'ommo ca capeva chesto nun l'aggio truvato
a chi me schifa dico nun vuo' vede'
ca 'o cuorpo tu t' 'o vinne comme a me
nun me suppuorte e chest' 'o ssaccio già
i' songo 'o specchio
addù nun te vulisse maje guardà
nun te scurdà nun te scurdà
nun te scurdà pecchè sta vita se ne va
nun te scurdà, maje 'e te
nun te scurdà nun te scurdà
nun te scurdà pecchè si no che campe a fà
nun te scurdà 'e te, maje
Mamma, puttana o brutta copia 'e n' 'ommo
chest' è na femmena int' 'a chesta parte 'e munno
ca quanno nasce a cchesto è destinata
e si 'a cumanna 'o core d' 'a ggente è cundannata
Mamma, puttana o brutta copia 'e n' 'ommo
avesse voluto 'e cchiù int' 'a chesta parte 'e munno
apprezzata no p' 'e mascule sgravate no p' 'e chisto
cuorpo bello no p' 'e mazzate che aggio dato
sulamente pecchè femmena so' stata
e nu catenaccio 'o core nun me l'aggio maje nzerrato
sulamente pecchè femmena so' stata
sulamente femmena
nun te scurdà nun te scurdà
nun te scurdà pecchè sta vita se ne va
nun te scurdà, maje 'e te
nun te scurdà nun te scurdà
nun te scurdà pecchè si no che campe a fà
nun te scurdà 'e te, maje
Nessun commento:
Posta un commento